हेर्नुहोस भिडियो

https://www.youtube.com/watch?v=JoVPEYUkVu0

काठमाडौं, ४ फागुन, एनसेलका ग्राहकहरुले अब मोबाईल डेटा सपोर्ट गर्ने मोबाईल फोनबाट लोकप्रिय सामाजिक सञ्जाल फेसबुक निःशुल्क चलाउन पाउने भएका छन् । 'इन्टरनेट सबैका लागि' थिम अन्तर्गत मोबाईल सेवा प्रदायक कम्पनी एनसेलले फेसबुकसँगको सहकार्यमा आकर्षक योजना 'फेसबुक फ्रि' सार्वजनिक गरेको हो । फेसबुक फ्रि योजना अन्तर्गत एनसेलका सबै प्रिपेड तथा पोस्टपेड ग्राहकहरुले एन्ड्रोइड मोबाईल एप र ब्राउजर (प्रोक्सी बाहेक) बाट फेसबुकमा निःशुल्क आफ्नो स्ट्याटस पोस्ट गर्न, फोटाहरु अपलोड गर्न, अरुको स्ट्याटस हेर्न, लाईक, सेयर तथा कमेन्ट गर्न सक्नेछन् । एनसेलको यो अफर लागु भएपछि फेसबुक पेजमा 'गो टु फ्रि' बटन स्वतः देखिने छ । यो बटन क्लिक गर्ने बित्तिकै, एनसेलका ग्राहकहरुले फेसबुकको निःशुल्क संस्करणबाट फेसबुक ब्राउज गर्न सक्नेछन् । ''फेसबुकसँगको सहकार्यमा आफ्ना ग्राहकका लागि यो लोकप्रिय सामाजिक सञ्जाल निःशुल्क चलाउन पाउने योजना ल्याउन पाउँदा हामी निकै हर्षित छौं । यसले ग्राहकलाई सामाजिक सञ्जाल मार्फत देश विदेशमा रहनु भएका आफन्त, साथीभाई र परिवारजनसँग सजिलै सम्पर्कमा रहन र ईन्टरनेट सेवाको जनघनत्व बढाउन मद्दत पुर्याउनेछ,'' एनसेलका प्रबन्ध निर्देशक साइमन पर्किन्सले भने । विभिन्न अन्तर्राष्ट्रिय अध्ययनले ईन्टरनेटको पहुँच र आर्थिक वृद्धिबीच स्पष्ट सम्बन्ध देखाएको परिप्रेक्षमा एनसेल सरकारसँग सहकार्य गर्दै सन् २०२० भित्र सबै गाउँ विकास समितिमा ईन्टरनेट पुर्याउनेजस्ता राष्ट्रिय लक्ष्य प्राप्त गर्नमा योगदान पुर्याउन कटिबद्ध रहेको पर्किन्सले बताए । ''ईन्टरनेट कभरेजमा वृद्धि गर्दै, सुलभ दर तथा नवीनतम सेवा मार्फत हामी यस्ता राष्ट्रिय लक्ष्यमा योगदान पुर्याउन काम गरिरहेका छौं । प्रविधि तटस्थताले कभरेज विस्तारलाई थप गति प्रदान गर्नेछ" फेसबुक फ्रि योजना सार्वजनिक गर्दै पर्किन्सले भने । पर्किन्स र फेसबुकको एसिया प्यासेफिक क्षेत्रकी प्रमुख प्रतिनिधि तथा ग्रोथ पार्टनरशिपकी प्रमुख आन्ना नाइग्रेनले संयुक्त रुपमा फेसबुक फ्रि सार्वजनिक गरेका थिए । "एनसेलसँगको सहकार्यमा नेपालमा फेसबुकको यो सामाजिक अफर ल्याउन पाएकोमा हामी हर्षित छौं । यस्तो अफरले नेपालमा थप कनेक्टिभिटी सुनिश्चित गर्दै थप व्यक्तिहरुलाई ईन्टरनेटमा जोड्न योगदान पुर्याउने विश्वास छ" नाइग्रेनले कार्यक्रममा भनिन् । फेसबुक फ्रि अफर आज (फागुन ४) बाट लागू भई ९० दिनको लागि रहनेछ । यो अफर फेसबुकसँग विश्वब्यापी रुपमा उसको आन्तरिक प्रणालीसँग मिलाईएको हुनाले निःशुल्क संस्करणको मजा लिन ग्राहकले कुनै छुट्टै सेवा सुचारु गर्न नपर्ने एनसेलले जनाएको छ । अफरमा फेसबुकको अधिकांश फिचरहरु निःशुल्क उपलब्ध छन् । फेसबुकमा अरुले अपलोड गरेका फोटो तथा भिडियो हेर्नको लागि भने विद्यमान डेटा शुल्क लाग्ने छ । ग्राहकले आफूले ब्राउज गरिरहेको फेसबुक पेजको माथि दायाँतिर रहने 'सि फोटोज' बटन क्लिक गरी पेड संस्करणमा फोटो तथा भिडियो हेर्न सक्नेछन् । फेसबुकको फ्रि संस्करणबाट पेड संस्करणमा जानु भन्दा अगावै ग्राहकलाई सूचित पनि गराइने जनाईएको छ । फेसबुकको पेड संस्करणमा फोटो तथा भिडियोहरु अझ सुलभ दरमा हेर्नका लागि ग्राहकहरुले फेसबुक पेजबाटै आफ्नो आवश्यकता अनुसारको डेटा प्याकहरु खरिद गर्न पनि सक्ने कम्पनीले जनाएको छ । त्यसैगरी एस्ट्रिक्स १२३ ह्यास डायल गरी प्राप्त निर्देशन अनुसार पनि ग्राहकहरुले आफूलाई चाहिएको डेटा प्याक खरिद गर्न सकिने बताइएको छ । फेसबुकका अनुसार, हाल नेपालबाट ८० लाख भन्दा बढि मानिसहरु फेसबुकका माध्यमबाट सामाजिक रुपमा आवद्घ रहेका छन् । फेसबुक फ्रि ब्राउजिङको सुविधा प्रोक्सी ब्राउजरमा उपलब्ध नहुने बताइएको छ । उदाहरणका लागि ओपेरा मिनि जस्ता प्रोक्सी ब्राउजरहरुबाट फेसबुक प्रयोग गर्दा विद्यमान डेटा शुल्क लाग्नेछ । त्यस्तै ग्राहकले फेसबुकका अन्य बाह्य लिङ्कहरु क्लिक गर्दा फेसबुक फ्रि संस्करणबाट बाहिर गएको सूचित गराइने छ र ग्राहकले यदि फेसबुक फ्रिबाट बाहिर जान चाहेमा विद्यमान डेटा शुल्क लाग्दछ ।

Now World popular social site FACEBOOK is free for Ncell user. After Tuesday (15, Feb 2017), you can use this package all Nepal In collaboration with Facebook.

Use Facebook for free without any data charges on Ncell. You just need to have an official Android app or use via m.facebook.com. You do not required to do any activation for this service.

You can Update status, Like, Comment, Upload Photos in the timeline and do many more things. External links are not included in the service. Clicking any external links will be charged as per the standard data rates. And also chating and view photo on Facebook will be charged as per the standard data rates.

How to Active this Service ?

Important: Only Ncell SIM user can use this service.

If your mobile support Ncell data, then you can use this service easily and no need to do anything.

To use this service, You just need to have an official Android app or use via m.facebook.com. You do not required to do any activation for this service. When you open facebook app or browser, you can see 'Go to Free' button. After click that button, you can use this service easily.